Barpeta, Nailar 10 : Ki pulit ka Barpeta hynnin ka sngi ba Ar ki la wanlam ia ki khyndai ngut ki lehnoh jihadi ki ba la shah kem halor ka jingdonkti bad ka kynhun seng lehnoh ka ba napoh Bangladesh, ka Ansarul Bangla Team hakhmat ka kashari jong u CJM.
Napdeng kine ki khyndai ngut ki lehnoh jihadi, hynriew ngut na ki, ki la shah rai set phatok katba ia ki laingut kiwei pat la bteng ban set hapoh ka jingpeit jong ki bor pulit khnang ban bteng shuh shuh ia ka jingtohkit.
Kine ki laingut ki lehnoh ki ban dang shah tohkit shuh shuh ha ki bor pulit ki kynthup ia u Sahanu Alom, u Kazibur Hussain bad u Hasanul Islam.
Katba ki hynriew ngut kiwei pat ki lehnoh jihadi ki ba la shah rai set phatok ki kynthup ia u Jubair Khan, Rafiqul Islam, Dewan Hamidul Islam, Moinul Hoque, Mazibar Rahman bad u Sahjahan Ali.
