Kurup ka ANTF ia u Ganja ba palat 1500 kg na jan Lumshnong

Date:

Share post:

Shillong, Nailar 10: Ki Pulit ka Anti Narcotics Task Force (ANTF) ka East Jaintia Hills District, hynnin ka janmiet sngi ba-ar kila ioh ban kurup haduh 1500 tam u ganja na kawei ka mini trok kaba wan iaid lynti na ka phang Umkiang sha Khliehriat.

Kane ka mini trok ka dei kaba don u nombor TR-05-B-1903 bad la suba jur ba ka dei kaba wan na ki thain Tripura.

Kat kum ka jingpyntip u Superintendent of Police ka East Jaintia Hills u Jagpal Singh Dhanoa la ong ba ki Pulit ka East Jaintia Hills kila ioh jingtip hynnin ka janmiet por 4:30 ia ka jingwan kane ka mini trok na ka thain Umkiang.

“Mar mar ki Pulit kila pynieng ia ka jaka talasi kali ha Lumshnong ban ioh bat ia kane ka trok. Ki Pulit haba iohi ia kane ka trok kila pynsangeh pynban u nongniah ha ka jaka ban sangeh, ula phet krad pynban na kane ka jaka” ula ong.

Ki Pulit ka ANTF kila behthong ia kane ka trok bad kila lap ia kane ka kali hadien 2 km ka jingjngai bad la shem ruh ba ki briew ba don ha kane ka kali kila phet krad.

Une u Heh Pulit u iathuh ba ka ANTF ha ryngkat ka jingdon ki nongsakhi ba laitluid, kala khynra ia ka bynta ba shadien jong ka trok bad kala lap haduh 212 tylli ki synduk plastic bala sop da ka tape rong ktieh, kiba khia haduh 1556 kg.

“Hadien ka jingleh ia ki test, la shem ba une u mar ba don ha synduk u dei u ganja” ong u Jagpal Singh.

Ia kane ka trok bad ia u jingdik la kurup noh da ki Pulit kiba la register ia ka case hapoh ka Lumshnong Police Station kat kum ka kyndon 8 (C)/20 (b) (ii) (C)/29 jong ka NDPS Act.

Ka jingtohkit kala iaid shakhmat ban iohkem ia u nongniah bad ia u trai jong ka kali.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...