Shillong, Jymmang 13 : Ka kynhun PynChe kala pynlong ia ka “Kilometre Zero” , ka programme ba kyrpang, kaba kynthup ia ka sap shna sap dro, ka jingpynneh pynsah bad ka shet ka tiew ha Linsamer farms, Kyrdemkulai, ha ka 11 tarik u Jymmang.
Ka programme ka pyni kumno ngi lah ban ioh ia ki jhur ki jhep bad kiwei de da kaba kheit ia ki sla ki kynbat na khlaw ba don ha Linsamer, kaba pyni kumno ngi lah ban pynduna ia ka jingpynmih carbon (carbon footprint) haba rakhe ia ka jingiadei hapdeng ka mei mariang bad ka sap ka phong.
La ialam ia ka programme da ki nongshet ba pawnam, Chef Ahme bad Chef Dalarympei, bad ki nongshim bynta ki la ioh ban iaid ryngkat bad ki ha kaban mad ia ki jhur ki kynbat ba bun jait kiba pynphuh pynphieng ia ka Linsamer Farms.
Shuh shuh, ki nongshim bynta ki la ioh lad ruh ban shim bynta ha ki kam pynpyngad jingmut (therapeutic art activities) ba la ialam da i Maya-ika.
Ki la ioh ban pynpaw ia ki jingsngew bad pyni la ki sap ki jinsngew jong ki ha ka mural-making bad ruh ha kaba ki la ioh ruh ia ki seed papers ban thung kum ka dak jong ka jingpynthymmai bad jingkylla da kaba ki bret noh ia ki jingeh jingshon jong ki.
