Shillong, Iaiong 10: Haka ilekshon MP MP Lok Sabha 2019, ka Meghalaya ka don 19,11,372 ngut ki nongthep Vote bad mynta ki nongthep Vote ha kane ka ilekshon MP 2024 ki don 22,67,567 ngut.
Lada nujor ha u snem 2019 bad mynta 2024, ka jingdon ka jingkiew ki nongthep hapoh Meghalaya, kala kiew haduh 356195 ngut.
U CEO ka Meghalaya u BDR Tiwari u pyntip ba haduh ka sngi khatduh kata haka 27 tarik Lber, ka Meghalaya ka don 22,67,567 ngut ki nongthep Vote bad napdeng kine 11,27,044 ngut ki kynthei, 10,99,517 ngut ki shynrang, 3884 ngut ki Service Voters bad 3 ngut ki Third Gender.
Kine ki 22,67,567 ngut ki nongthep Vote ka Jylla kin thep vote haka 19 tarik mynta u bnai haki 3512 tylli ki Polling Station naka bynta ban jied MP Lok Sabha naka bynta ka Shillong bad Tura Parliamentary Seat.
Haba nujor hapdeng ki 2 tylli ki Parliamentary constituency, ki don 1400411 ngut ki nongthep Vote hapoh Shillong bad 826156 ngut hapoh ka Tura Parliamentary constituency.
