Shillong Lber 02: U Personal Security Officer (PSO) jong ka seng kieng atiar Hynniewtrep National Liberation Council (HNLC) u Bah Storgy Lyngdoh ula shah kem ha ki pulit jong ka East Khasi Hills hynne dang step phyrngab.
U Superintendent of Police ka East Khasi Hills u Rituraj Ravi, ula kubur ba ki pulit kila kem ia u Bah Storgy uba dei u dkhot jong ka seng HNLC bad ki pulit kin sa pyllait ia ka kyrwoh khubor halor kane ka jingkem ia une u dkhot ka HNLC.
Ki tyllong khubor kila iathuh ba u Bah Storgy ula wan rung tuh napoh ka ri Bangladesh bad rung shapoh Meghalaya bad ki pulit haba kila pynlong ia ka jingkhynra kila kem ia u na ka iingsah ka jong u kaba don ha Mawlynrei.
U Bah Storgy udei uba la don bynta ha ka kynhun jong ka HNLC ha kaban wan iakren iasuk bad ka Sorkar ha u snem uba la dep.
Kane ka jingjia kala mih ruh hadien ba kala jur ka jingioh shithi dawa pisa ki nongkhaii ha ri lum Khasi bad Jaintia.
Ka HNLC kala weng noh na ka jingiakren iasuk bad ka sorkar da kaba kynnoh ba ka sorkar kala pulom ha kaban shimkhia ia ki 5 tylli ki mat jingdawa kynthup ia kaban map noh ia ki case kiba la pynngat ia ki nongialam ka HNLC.
 jong ka seng kieng atiar Hynniewtrep National Liberation Council (HNLC) u Bah Storgy Lyngdoh ula shahkem ha ki pulit jong ka East Khasi Hills hynne dang step phyrngab.){kind=link}