Shillong, Rymphang 18: Ka Shillong Lajong FC hynne ka sngi kala ioh mad iaka jingjop da kaba pynrem da 2-0 ia ka Neroca FC ha ka jingiakhun ha ka I-League kaba la long ha SSA Stadium, Shillong.
Ka Lajong kala ialehkai bha naduh mar ia sdang hi jongka jingiakhun hynrei kam shym la lah pat ban thep kol haduh ban da kut ka kylla step, hynrei ha ka kylla miet ka Lajong kala bteng ban ialehkai bha bad haka minit kaba 52 kala ioh thep ia ka kol lyngba u Kynsaibor Lhuid ubalathep ia ka kol kaba nyngkong eh haka jingiakhun ka jongu ha ka sien kaba nyngkong ha ka I-League.
Hadien kane, ka Lajong kala bteng ban ialehkai bha bad u Kynsaibor ula ioh thep ia ka kol ka baar ha ka minit kaba 61 bad haduh ban da kut ka jingialehkai ka Neroca kam shym la lah ban pynphai tang shi kol ruh.
Ka Lajong kala ioh khur 3 point bad mynta kala don haka kyrdan kaba 5 jong ka I League bad ha ka 25 tarik u Rymphang ka Lajong kan iakhun pyrshah ia ka TRAU FC ha Kalyani Stadium, Kolkata.
