Nongpoh, Nailur 27: Ka District Mission Co-ordinator, Samagra Shiksha Abhiyan (SSA) Ribhoi District,Nongpoh hynne ka sngi Balang, ka la pynlong ïaka Enrollment Drive halor ka phang “Promoting Literacy for a World in Transition Building the Foundation for Sustainable and Peaceful Society” ïakaba la pynlong ha Mawbri Parish Hall, Bhoirymbong.
Ïa kane ka program la sdang shwa daka jingïaid rally naduh na phyllaw ïing skul ka Raid Ïapngar bad pynkut pat ha Parish Hall, Mawbri ha kaba la ïa shim bynta lang da ki khynnah skul jong ki 8 tylli ki skul ka thaiñ bad ïa kane ka rally la ïoh ban kaweh lama kum ka dak ka jingsdang da u bah B Suchiang SI ka Bhoirymbong PIC.
Ïa kane ka program la pynlong ruh kum shibynta ban rakhe ïaka International Literacy Day kaba la ju rakhe man ka 8 tarik jong u bnai Nailur ha baroh kawei ka pyrthei.
Ka jingthmu jong DMC, SSA ban pynlong ïa kane ka program ka long ban nang pynsaphriang ïaka khubor halor ka jinglong kongsan jong ka pule puthi ha kane ka juk kaba mynta bad ban nang kyntiew ïaka hok haka long briew man briew lyngba ka khubor ban pyntip sha ki paidah ba Uwei pa uwei u briew ne ka briew ki don ïaka hok ban ïoh ïaka jingnang jingstad.
Ha kane ka sngi la wan ban ïadon bynta lang da u Bah Rangkynsai Kharbuhki, MDC ka Umroi uba la long ruh kum u kongsan jong ka program, u Bah Vincent Ñianglang DMC ka Ribhoi District, Bah B Suchiang SI ka Bhoirymbong PIC, State OOSC State Coordinator SSA SEMAN Meghalaya, kong ED Synrem BMC Bhoirymbong ki nonghikai bad ki khynnah skul.
