Shillong, Nailar 31: U Myntri ka tnat Sports and Youth Affairs Bah Wailadmiki Shylla u la ai khublei ia ka thei ialehkai phutbol jong ka Jylla samla Sanfida Nongrum kaba la ioh ia ka nam Women’s Young Player of the Year haka Football Players’ Association of India (FPAI) award.
Ha ka jingthoh ha X, u Bah Wailad u la ong ba kane ka jingjop ka dei kaba pynsngew sarong bad kaba ai mynsiem ia ka Jylla.
A proud and inspiring achievement for Meghalaya! I extend my heartfelt congratulations to Sanfida Nongrum on being named Women’s Young Player of the Year at the FPAI Awards.
Becoming the first woman from Meghalaya to receive this prestigious honour is a remarkable milestone and… pic.twitter.com/mvILxL3VTy
— Wailadmiki Shylla (@WailadmikiS) August 31, 2026
“Ka jingjop kaba sngew sarong bad ba ai mynsiem ïa ka Jylla Meghalaya, nga ai khublei naduh ka dohnud ïa ka samla Sanfida Nongrum kaba la shah jied kum ka Women’s Young Player of the Year ha ka FPAI Awards” u la ong.
Lah ban kdew ba ka samla Sanfida ka la long ka kynthei ialehkai phutbol kaba nyngkong eh na ka Jylla Meghalaya ban ïoh ïa kane ka nam. U Myntri u la ong ba kane dei ka jingpynshisha ïa ka sap, ka jingaiti lut bad ka jingminot jong ka.
“Ban long kynthei ba nyngkong na Meghalaya ban ïoh ïa kane ka nam bad burom ka dei ka mawjam kaba phylla bad ka jingpynshisha ïa ka sap, ka jingaiti bad ka jingminot jong ka. Ka jingjop jong ka kam dei tang ka kam kaba sngew sarong shimet hynrei ka long ruh ka jingai mynsiem ïa ki samla kynthei bad ki nongïalehkai ha kylleng ka Jylla jong ngi,” u la ong.
U Myntri u ai ka jingkitbok kitrwiang ia ka samla Sanfida ba kan nang ioh ia ka jingjop kaba kham khraw hadien habud.
“To ai ba ka samla Sanfida kan dang ïai bteng ban poi sha ki kyrdan kiba kham heh bad ban ai mynsiem ïa ki samla ialehkai jong ka Meghalaya,” ula bynrap.
 award.){kind=link}