Shillong, Nailar 31 : Ka Nangkiew Irat ka la pynliem ia ka Mylliem da 1-0, ha ka Shillong Premier League 2026, ba long hynne ka nohphai sngi ha SSA Stadium, Polo.
Ia kane ka shi kol ka Nangkiew Irat la thep ia ka da u Ronaldkydon Lyngdoh Nonglait ha ka minit ba 39.
Da kane ka jingjop, ka Nangkiew Irat ka la ioh ba kan khur 7 point bad ban rung sha ka thup jong ka Top 4, katba ka Mylliem kan iai neh sha trai ka miej iakhein point hadien ka jing shah rem haduh saw sien.
Ka Nangkiew Irat kan jin da la babe bha mynta ka sngi, hadien ba ka la pynlehnoh ei ia kiba bun tylli ki kabu ksiar ban thep kol.
Kane ka shi shi kol ka la wan hadien ba u Edyvenson Dhar u la ioh ban rah shakhmat ia ka bol tad haduh ban da poi haduh ka box, bad pynbuh sha ka jaka ba la don u Ronald uba la shu kynjat ia ka bol ban pynkhih ia ka jar.
Lashai ka sngi, ka jingiakhun kan long hapdeng ka MLP FT pyrshah ia ka Shillong Lajong FC, kaban sdang ha ka por 3:40 baje nohphai sngi, kaba hangne kine ki ar kynhun ki don mynta mar 7 point na ki lai sien ialehkai ba ki la dep bad la khmih lynti ba kine ki ar kynhun kin ia pyrshang ban iakhun tyngeh naka bynta ban wanphai bad ka lai point na ka madan iakhun.
