Shillong, Nailar 31 : Ki Pulit hynne ka sngi nyngkong, kila ialam tian bishar biang ia ki kongialam ka Khasi Students’ Union (KSU) ba shah kem halor ki jingjia kam thombor ba 19 tarik Nailar, hadien ka jingpynngat kyndon thymmai tang da ki sngi bala set hapoh ka judicial custody ba 14 sngi.
Haba kren bad ki nongthoh khubor shabar ka Iingkashari, u President ka KSU samla Raymond Kharjana ula ong ba ka jingpynlong sohpdung ia ki nongialam ka KSU ha man ki jingiakhih ka dei kaba ju jia na ka por sha ka por.
Ula ong ba ka jingset phatok kan ym pyntlot ia ka jingialeh jong ka Seng.
“Ka jingpyrshang ban pynlong sohpdung ia ki nongialam jong ka Seng haba don kano kano ka jingia khih ka ju jia na ka por sha ka por. Hynrei kawei kaba nga kwah ban kren shai ka long ba ka phatok ka dei ka jaka kaba pynkhlain bad pynrhem ia ka mynsiem jong ka jingialeh na ka bynta ka dawbah jong ka Bri Hynniewtrep bad ka Jaidbynriew” ong u samla Raymond.
U General Secretary samla Reuben Najiar ula ong ba ka KSU kan sa ai jubab ha ka por kaba dei.
“Kamp her, ki lah ban pynngat ia ngi mynta. Kane ka dei ka por jong ki, ngin sa ai jubab ynda ngi la mih (na phatok)” ong u samla Reuben.
Saw ngut ki nongialam ka kSU, kynthup u Vice President Pynkmenlang Sanmiet bad u Assistant Organising Secretary Jeremiah Pohthmi halor ka jingkynnoh don bynta ha ki kam thombor ba jia ha ka rally thuk thuk ka KSU ba long ha ka 19 tarik Nailar.
Kane ka jingjia kala lam sha ka jingshah thang 2 tylli ki kali, shah pynjulor haduh 31 tylli ki kali bad haduh 18 ngut ki briew kila shah shoh nalro ka jingpynjulor ia ki motdur u Subhas Chandra Bose bad u Swami Vivekananda.
 ba shah kem halor ki jingjia kam thombor ba 19 tarik Nailar, hadien ka jingpynngat kyndon thymmai tang da ki sngi bala set hapoh ka judicial custody ba 14 sngi.){kind=link}