Tura, Nailur 11: Ki Pulit ka West Garo Hills ha ka sngi Nyngkong, kila ioh kurup ia kawei ka thuk thuk ba shah tuh bad iohkem ia u runar jong ka kynhun ki nongtuh thuk thuk.
Kane ka thuk thuk ka don u nombor ML08-F-0369 bad la tuh ia ka na Babagre. Ki Pulit kila register ejahar halor kane ka jingshah tuh kane ka thuk thuk ha Gambegre Police Station.
Halor ki jingtip ba thikna, ki pulit kila pynap shrip bad iohkem ia uwei u briew ba kyrteng u Srangbirth N Sangma uba dei na Raja Apal Kamagittim, ka jaka bala ioh kurup ruh ia ka thuk thuk.
Ki Pulit ki suba jur ba don ka kynhun ki nongtuh thuk thuk kiba treikam ha kane ka thain bad ka jingtohkit mynta kala iaid shakhmat ban iohkem ia kiwei pat ki dkhot kane ka kynhun.
