Arunachal : Khein iap ka High Court ia ka elekshon 2019 jong u MLA Kariko Kri

Itanagar, Naitung 20: Ka Gauhati High Court ha ka sngi Nyngkong (17 Naitung) kala pynduh ia ka jinglong MLA u Kariko Kri na Tezu da kaba khein iap ia ka result jong ka elekshon u snem 2019.

Ka Itanagar Bench jong ka High Court kala pynbna ia kane ka rai hadien ba bishar ia ka Election Petition No. 01 (AP), 2019 bala mudui da u kyrtong ka Congress Nuney Tayang, uba la tynjuh pyrshah ia ka result jong ka elekshon MLA 2019 jong ka Tezu Assembly Constituency.

U Kariko Kri, uba la shah jied kum u MLA shimet na Tezu constituency, un dei u nongmihkhmat ba-ar ban shah mait kyrteng kum u MLA hadien jong ka MLA ka BJP Dasanglu Pul kaba jia ha ka 25 tarik Iaiong.

Ha kawei pat ka jingjia, ka jingjied ia ka Dasanglu Pul ba mihkhmat ia ka Hayuliang Assembly Constituency, kala shah tyn juh ha u kyrtong ka Congress Lupalam Kri, uba la shah rem ha ka Pul ha ka elekshon 2019.

Ka Iingkashari u Justice Nani Tagia kala shong bishar ia kane ka kam bad shen b aka Dasanglu Pul kam shym la lah ban pyn biang ia ki nomination paper kat kum ka kyndon 33 jong ka Representation of the People Act, 1951.

Pule lang ia kane: Iaroh u MLA ka VPP ia ka rai ka MPSC ban pynbna biang ia ka kam MCS