Shillong, Jylliew 30 : Ki Pulit ka Jowai hynne ka sngi Thohdieng, kila ioh ban kem ia arngut ki nongkhaii droks bad ioh ban kurup haduh 4.6 gram u heroin lem bad ka pisa ba T. 1.9 lak nalor kawei ka kali Alto.
Ia kane ka jingjia la pyntip paidbah ruh da u DGP ka Jylla Dr LR Bishnoi hapoh ka Twitter.
U Dr Bishnoi ula pyntip ba ki nongkhaii droks ki ju pynkylla ia ki buit treikam ban pyniaid iew ia u droks hynrei ki Pulit ka Meghalaya kila kut jingmut ban pynduh jait ia une u jingdih bad ia kane ka kam jong ki nongkhaii.
U pyntip ba ia kine ki nongkhaii droks la kem ha ka jingkhynra kaba la pynkhreh bha.
Ha ka sngi Palei, ki Pulit kila ioh ban kem ia 3 ngut ki nongkhaii droks bad ioh kurup ia u heroin uba shongdor haduh T. 75 lak.
Dang shen, u Myntri Rangbah ka Jylla Conrad K Sangma ula ai ka jingiarop ia ka Tnad Pulit halor ka jingthaw record ha ka Ri halor ka jinglah ban pynlong haduh 1263 sien ki drugs awareness prokram hapoh ka Nasha Mukt Bharat Pakhwada.
Pule lang ia kane: Leit pyntngen u Rahul Gandhi ia ki lanot ha Imphal da ka jingiabam ja lang bad ki Khynnah
