Shillong, Nailur 27: Ka True North ka pynbna ba kan pynlong biang iaka lympung iakob jngi 2nd All Shillong Inter-School Swimming Championship 2026.
Kane ka lympung iakob jngi kan long ha 24 tarik Risaw haka True North Fitness Centre and Swimming Academy kaba don ha Lapalang.
Kane ka jingiakop ka khot sngewbha ia ki samla kiba sngewtynnad ban jngi na kylleng ka nongbah Shillong ban pyni ia ka jingtbit haka kam jngi.
Kane ka jingïakob ka long tang ïa ki khynnah skul haduh ka klas 12 bad kito kiba kwah iashim bynta ki dei ban phah iaki kyrteng haduh ka 14 tarik u Risaw.
Ïa ki phorm lah ban shim beit beit na kawei na ki ar tylli ki centre jong ka True North ha Mission Compound lane ha Lapalang lane lah ban pynrung online lyngba ka Google Drive link lane haka True North’s official Instagram (@truenorthlapalang) bad Facebook (@truenorthleisurecentre).
Iaki kyndon bad ki jingtip ba bniah la buh hapoh ka phorm pynrung kyrteng.
Ka True North ka khmih lynti ia ka jingiashim bynta kaba sngewtynnad na ki skul bad ki samla pule ha kylleng ka thain.
Kiba don jingkylli ki lah ban phone ha u number 8575705095 lane 6909318320.
