Shillong, Nailur 28: Ki nongïalehkai Karateka na ka Shillong College ki la jop 5 tylli na ki 6 tylli ki nam lahduh ha ka lympung 13th Inter-College Karate Tournament 2026 bala pynlong daka All Meghalaya Karate-Do Association (AMKA),
Ki don 30 ngut ki nongialehkai karateka kiba la iashim bynta na ki 11 tylli ki jaka pule bapher bapher.
Ia ka lympung la pynlong ha ka jingiatreilang bad ka Sports Development Cell jong ka Shillong College bad la kyrshan ruh da ka tnad Directorate of Sports and Youth Affairs jong ka sorkar Meghalaya.
Ia ka Inter-College Karate Tournament la pynlong ruh kum shi bynta ban wad iaki samla na ka bynta ka 39th National Games 2027 ka ban long ha Meghalaya.
U Gideon Tympuin na ka Shillong College u la rah ïa baroh ar tylli ki nam lahduh kata ha ka men’s individual kata bad men’s individual titles.
Ia ka kyrdan ba nyngkong ha ka kumite jong ki shynrang la rah da ka St Anthony’s College contingent kata u Aventinus George Mylliem, u Damebanmerbha S Blah, u Samebanmerbha S Blah, u Ferdinand Samkupar Rani bad u Jasper D Pdang.
Ha ka liang ki kynthei, ka Rebeka Nongspung jong ka Shillong College ka la ïoh ban khur ïa ka takma ksiar ha ka women’s individual kata bad ruh ka la khur ïa ka nam lahduh jong ka women’s team kumite ha ryngkat bad ka Larisha Kurbah, ka Kynjailin L Mawnai, ka Daphilahun Meri Wahlang bad ka Ibadaplin Mukhim.
Ka Shillong College ka la rah ruh iaka Team Champion ha ka thup ki shynrang bad kynthei, ha kaba ka St Anthony’s bad ka Lady Keane College ki la wan ba ar.
Haba kren ha kane ka sngi pynhap pyrda la donlang u District Sports Officer ka East Khasi Hills u Bah Damang Syngkon kongsan uba dei ruh u nongïalehkai karate uba la jop bun tylli ki takma ha national bad international bad kumjuh ruh u Vice-President jong ka AMKA, haka jingdonlang Dr (Mrs) H Diengdoh Vice-Principal, ki samla pule bad ki nongialehkai karate.
U Bah Damang u la kdew ba ka don ka jinghiar ha ka liang ka jingwan iashim bynta ki samla haka lympung lada ia nujor bad ki snem bala dep.
“Ngi dang pyrshang ban weng ia ki jingeh kiba khang lynti iaki samla pule ban wan iashimbynta haka lympung bad dei lyngba ka jingtrei shitom ka AMKA ba ki samla kila sdang kiew haka ialehkai karate” la ong u Bah Damang bad u la ong ba ki nongialehkai ba thymmai jong ka ri kiba dang wan, kum u Gideon Tympuin, uba la khur ia ka takma ksiar ha ka National Levep ha u bnai Rymphang, bad takma rnong haka South Asian Championship.
U DSO u la ai jingiaroh ia u Bah Donboklang Lyngdoh uba dei u Technical Director ka AMKA uba long mynta u 6th Dan black belt.
Ki nongjoh haka Men Open Kata
1st – Gideon Tympuin – Shillong College
2nd – Ferdinand Samkupar Rani – St Anthony’s College
3rd – Aventinus George Mylliem – St Anthony’s College
3rd – Gregorwilson Makdoh – Shillong College
Men Open Kumite
1st – Gideon Tympuin – Shillong College
2nd – Aventinus George Mylliem – St Anthony’s College
3rd – Kynpham Kharkongor of Institute of Hotel Management, Shillong
3rd – Ferdinand Samkupar Rani – St Anthony’s College
Men Team Kumite
1st – St Anthony’s College (Aventinus George Mylliem, Damebanmerbha S Blah, Samebanmerbha S Blah, Ferdinand Samkupar Rani and Jasper D Pdang)
2nd – Shillong College (Gideon Tympuin, Cheltis Shylla, Gregorwilson Makdoh, Nangkitbok Phira, Jake Damian Syiemiong)
Women Open Kata
1st – Rebeka Nongspung – Shillong College
2nd – Sweety Ranee – Lady Keane College
3rd – Melvarica Kharbani – St Mary’s College
3rd – Daphilahun Meri Wahlang – Shillong College
Women Open Kumite
1st – Rebeka Nongspung – Shillong College
2nd – Larisha Kurbah – Shillong College
3rd – Kynjailin L Mawnai – Shillong College
3rd – Daphilahun Meri Wahlang – Shillong College
Women Team Kumite
1st – Shillong College (Rebeka Nongspun, Larisha Kurbah, Kynjailin L Mawnai, Daphilahun Meri Wahlang and Ibadaplin Mukhim)
2nd – St Anthony’s College (Daiarisa Nongrum, Delightful Marngar, Habisha Mary Thongni).
