Shillong Jylliew12: U Myntri ka tnad Social Welfare Bah Paul Lyngdoh hynne ka Lah Sngi u Blei ula kyntu ia ki nongialam jong ka All India Trinamool Congress (AITC) kiba don ha ka Liang Pyrshah, ba kidei ban pule shuwa iaka kaiphod jingtohkit (Inquiry Report) halor ka jingkynnoh ba ka don ka jyrsieh khaii khaw ne Rice Scam h shwa ba kin ai ia kano kano ka jingkynthoh.
“Nga la kyrpad ia phi ba phin pule bniah iaka kaiphod bad mynta ruh nga kyrpad iaka TMC ba kan pule ia katei ka kaiphod. Balei ki kynthoh khlem da pule shwa iaka kaiphod? La ong u Bah Paul ia ki nongthoh khubor ha kaba iadei bad ka jingmih khuor halor ka jingkynthoh jong ka seng TMC.
U Bah Paul ula ong baka TMC ka lah ban kren katba ki sngewmon hynrei kila leit mih payt hakhmat jong ka Inquiry Commission kaba la khlieh da u Justice (Retd) Mool Chand Garg.
“Hato kila pule ia ka kaiphod? Hato kila leit mih hakhmat jongu nongbishar ba la shongthait uba la khlieh iaka Commission? Lada ki sngew ba ka don ka jyrsieh khaii khaw, balei kim shym la leit mihkhmat jong ka Commission haba ki don ia baroh ka hok?” la buh jingkylli u Bah Paul bad ka bynrap da kaba ong, “Lada ka Kong Agnes ka lah ban leit, balei u Mukul Sangma ne u George Lyngdoh kim shym la leit mih hakhmat jong ka Commission?”
U Bah Paul ula ong, dang shen ka sorkar kala ioh pdiang iaka kaiphod jingtohkit halor u khaw uba la bhah lyngba ka Supplementary Nutrition Program (SNP) lyngba ka Integrated Child Development Scheme (ICDS).
Ula ong, ba hadien ba ula ioh ia kane ka kaiphod ula pynbna lyngba ki lad pathai khubor ha ka taiew bala dep bad yn sa rah ia katei ka kaiphod jingtohkit ha ka Dorbar kaban sa wan jong ka iing dorbar thawain ka jylla.
 kiba don ha ka Liang Pyrshah, ba kidei ban pule shuwa iaka kaiphod jingtohkit (Inquiry Report) halor ka jingkynnoh ba ka don ka jyrsieh khaii khaw ne Rice Scam h shwa ba kin ai ia kano kano ka jingkynthoh.){kind=link}