Tura, K’lyngkot 30 : U National President ka NPP bad Myntri Rangbah ka Jylla Conrad K Sangma ula kam baka ‘We Card” bad “MYE Card”ki dei tang ia kam thok jong ka TMC haba pyntip ba ki paidbah kila sdang ban sngewthuh ba kine ki Card ka dei tang ka kam thok bad kila thang ruh ia ka.
Haba niew ia ki TMC Card kum ki “Baaki lane Credit Card” ha ka rally elekshon ha South Tura ban sdang ia ka jingialap elekshon hynne ka sngi nyngkong, u Conrad ula ong ba wat ki paidbah ha ka Constitunecy u Dr Mukul Sangma kata ka Songsak bad wat ka Williamnagar kila sdang ban thang ia ka We Card bad MYE Card namar ka jingsngew ba kan nym don ka jingmyntoi ba kin ioh na ki.
“Ha ka por elekshon, ki Party kin kular ia shibun kiei kiei ia ki Nongthep Vote…hynrei ngi na ka NPP ngim kwah ban thok da kine ki jingkular song pisa ban ai hadie ka elekshon. Ha ngi hi, nhi pynthikna ba ngin ai ia ki paidbah ia kaei kaba ngi kular shuwa ka elekshon hi “ ong u Conrad.
Ula kren ruh halor ki kam pynroi ha Sor Tura hadien bun bun phew snem bad ong ba ka Sor Tura, kaba la shah phai lyndet na ki kam pynroi la bun bun snem, kala iohi iaka jingkylla ha manla ki shnong ki thaw. “Ka thong jong ngi ka long ban pynlong ia ka tura kum kawei na ka nuksa jong ki sor ba biang eh hapoh ka thain Shatei Lam Mingi” ula ong.
U Conrad ula pyntip ruh “Shen ka Jylla kan sa ioh ia ka Art Convention Centre bad ka Auditorium. Ngin sa ioh ia ka Administrative Complex, ka ban long ka mini secretariat ha Tura. Kan sa mih ruh ka Skill Development Centre bad ka Youth Councelling Centre kaba dep ban mang pisa mynta”.
“Ka nuksa hi ka dei ka jingiaid ka kam jong ka PA Sangma Sports Complex kaba la pyndep ia ka stadium phutbol bad ka ban sa kynthup ia ka Integrated Indoor Sports Complex ka ban don ia ka Swimming Pool. Badminton, Basketball bad kiwei kiwei ki jingialehkai” ula bynrap.
