Manikganj, Jylliew 26: U Myntri Rangbah ka Jylla Conrad Kongkal Sangma hynne ka sngi U Blei ula ong ba ka elekshon ban jied President ba thymmai ka Ri kan dei ka sngi ba khraw bad ka jingsarong ia ki Jaidbynriew Riewlum jong ka Ri.
Kat kum ka jingong jong u, ka Ri India kan sa jied President ha ka sien ba nyngkong eh da ki paid riewlum bad kane ka dei ka Droupadi Murmu, kyrtong jong ka sorkar National Democratic Alliance (NDA).
“Kane (Election President) kan dei ka jingsarong ia ki paid riewlum jong ka Ri” ula ong haba pynkynmaw iala u jong u Kpa (L) Purno A Sangma uba la mih nyngkong eh na ki paid riewlum ban iakhun ia ka elekshon President watla u tip ba um don satia ia u nombor ha ka jingdon ki nongthep vote.
“Watla um shym la jop ha kane ka elekshon hynrei ula pyni ba ki riewlum ruh ki lah ban shimti ia ka shuki ba hakhlieh duh jong ka Ri” ong u Conrad.
