Manikganj, Jylliew 26: U Myntri Rangbah ka Jylla Conrad Kongkal Sangma hynne ka sngi U Blei ula pynbna baka Sorkar Meghalaya Democratic Alliance (MDA) kan sa ai noh ia ki song jingiarap ban kyntiew ia ka kamai ka kajih jong ki jaidbynriew Rabha ka Jylla, kiba la shah phah lyndet da ki phew phew snem.
U Myntri Rangbah ula pynbna ia kane haba kren ha ka 8th Biennial Conference jong ka All Rabha Students Union (ARSU) ka Jylla Meghalaya cum 4th Baiko Dera Festival ba long ha ka Shnong Manikganj,Nogth Garo Hills.
Happy to be amongst our Rabha brothers & sisters at the 4th Baikho Dera Festival & the 8th Biennial Conference of the All Rabha Students’ Union of Meghalaya (ARSUM) at Manikganj, North Garo Hills District@PMOIndia @MundaArjun pic.twitter.com/aRWfuqLrJz
— Conrad Sangma (@SangmaConrad) June 26, 2022
Haba iaroh ia ki nongpyniaid ia kane ka tamasa kaba kyntiew ia ka sap kyrpang jong ki Rabha, u Conrad ula ong ba ka riti tynrai bad ka jinghiar pateng ka dei kaba long doh longsnam ha ka Jaidbynriew bad kam dei satia ban duh noh da ka jingwan ki kor ki bor ka juk ba mynta kiba pynkylla dur ia ka imlang sahlang.
“Ka jingwan ki kor ki bor ka juk kaba la pynkylla dur ia ka imlang sahlang ka long kaba donkam hynrei ka long ruh kaba donkam ba ki briew kin tip iala ka tynrai bad ban ieng iada ia ka bha ka miat jong ka Jaidbynriew” ong u Myntri Rangbah ka Jylla.
U Symbud Lamphang ka Iingdorbar Thaw Ain ka Jylla Timothy D Shira, u MLA Marton Sanma bad Rupert Momin kila iashimbynta lang ha ka tamasa bad kren halor ka jingdonkam ban don ia ka mynsiem ialong kawei bad ka jingialong shipara hapdeng ki Jaidbynriew riewlum jong ka Jylla.
Ki cultural prokram bapher bapher la pynlong ha kane ka tamasa ba lai sngi ka ban kyntiew ia ka kolshor jong ki jaidbynriew Rabha.
