Shillong, K’lyngkot 20 : Ka Sorkar Meghalaya Democratic Alliance (MDA) kala bthah ia baroh ki skul Deficit ka Jylla ba ki dei ban ai ia ka Contributory Provident Fund (CPF) lane ka National Pension Scheme (NPS) sha ki Nonghikai bad ki Nongtrei.
Kane ka long kat kum ka jingpynbna bala pynmih paidbah da ka Tnad Education hynne ka sngi thohdieng, lyngba u Commissioner & Secretary ka Tnad.
Ka jingpynbna ka ong ba ki Nonghikai skul Dificit bad ki Nongtrei kiba la thung ha ki sanction post, bad ba rung kam shuwa ka 1 tarik Iaiong, 2010, kin iai bteng da ka CPF hynrei kito kiba rungkam hadien ka 1 tarik Iaiong 2010 shaneng kin shah kynthup ha ka NPS.
Ka jingpynbna ka ong ba lada ki skul deficit kim lah ban ai la ka dei ka CPF ne ka NPS sha ki Nongtrei kin shah tynrong ia ka jingbahkhlieh. Ka ong ba kane ka jingbthah kan treikam noh mar mar.
