Guwahati, K’lyngkot 20 :Ha ka jingjia kaba la pynkyndit ia kiba bun balang, ki runar ki la lute haduh T.1.19 lak na uwei u shipai Indian Army ha ka por mynsngi mynshai ha Boko kaba hapoh Kamrup district ka Assam ha ka 19 tarik mynta u bnai.
Ia une u shipai la tip kyrteng kum u Raju Sangma.Katkum ki khubor la ong ba u Sangma u dang shu wan sei ia kane ka pisa napoh State Bank of India (SBI), Boko.U Sangma la ong ba ula shah buddien ha ki runar.Hadien ba kila ioh ia ka lad katba u Sangma u dang leit ban khap shniuh, kine ki runar ki la knieh kynsan ia ka bek pisa bad phet krad noh na katei ka jaka.Watla u Sangma u la ioh ban bat noh ia uwei na kine ki runar, hynrei uwei pat ula ioh bn phet krad noh ryngkat ka pisa.
Halor kane ka jingjia na ka liang u Rajkhowa ula leit ban ujor hapoh Noonmati police station pyrshah ia kitei ki runar.Ka jingtohkit halor kane ka jingjia ka la iaid shakhmat.
Kham hashwa, kata ha ka 5 tarik u Nohprah ba la dep, uwei u briew ha Changsari jong ka Kamrup ula shah lute noh haduh T.30 lak ha ki runar ki bymta lah ban ithuh.Ki khubor ki iathuh ba kane ka jingjia ka la jia hajan Changsari Police Station katba une u briew u dang thmu ban leit shapoh ka jaka treikam jong ka FCI ban siew bai shim wai trok.
Ia une u briew la tip kyrteng kum u Ranjit Nath uba la ong ba ula shah pynsangeh ha ki runar katba u dang don ha ka lynti da ka kali Bolero ban leit sha katei ka jaka.Hadien ba ula shah pynsangeh, kine ki runar ki la thombor ia u bad phet noh na katei ka jaka ha ryngkat ka pisa.Hadien u Nath ula phone noh iala ki jong ki paralok kiba la wan ban iarap ia u bad leit ban ujor da ka FIR hapoh Changsari Police Station.
