Shillong, Jylliew 11 : U Myntri ka Ministry of Road Transport & Highway Nitin Gadkari un sa wan iuhkjat ha Shillong ha ka 15 tarik Jylliew ban kyntur ia ki project tei jingtei bad ki lad pyniasoh na ka bynta ka thain Shatei Lam Mihngi.
U Gadkari un iashimbynta nyngkong eh ha ka CEO Round Table ha ka NEIINFRA 2026, ka North East India Infrastructure Summit bad Exhibition ha Lariti Performing Arts Centre.
Ia kane ka summit la buh kum ka rynsan kaba hakhlieh duh jong ka thain na ka bynta ki nongthaw policy, ki nongkynshew kam bad ki nongialam jong ki kompani ba kin iakren halor ki surok, ki highway, ki jingtei ha jaka sor, ki kam jngohkai, ka kam pynmih bording bad ka lad pyniasoh digital.
Hadien kane, u Gadkari un leit sha madan Polo ban buh maw nongrim ia ki National Highway Project ha Meghalaya.
Kane ka highway ba thymmai la khmih lynti ba kan khate ia ka por ha ka leit ka wan, pyniasoh ia ki jaka ba kyndong bad kyntiew ia ka khaii pateng nalor ka kam jngohkai ha ka Jylla bad ka thain Shatei Lam Mihngi baroh kawei.
