Guwahati, Jymmang 25: Ka Coordinating Committee on Manipur Integrity (COCOMI) kan ia kynduh bad ka Ministry of Home Affairs (MHA) ha New Delhi ha ka 27 tarik mynta u bnai Jymmang ban iakren sani bha ha kaba iadei bad ka jingjia umsnam ha Manipur.
Kane ka jingialang kan long ka jingbuddien ia ka Manipur People’s Convention kaba la long ha ka 3 tarik mynta u bnai Jymmang ha Khuman Lampak, Imphal, ha kaba kila mynjur ia ka rai ban leh eiei halor ki jingjia umsnam la ha ka liang ba dei bad ka sain hima sima, ki lad jingiada bad ka jingsngew para briew.
Ha kaba sdang la pynleit jingmut ha kaba iadei bad ka jingdawa ba la slem bad ka jingshai ha ka seng sain hima sima kumjuh ruh ban pynbeit thymmai ha kaba iadei bad ki jingshngain hynrei ki mat ia kren mynta kila nang kiew hadien ka jingjia ha Gwaltabi kaba dang shen kaba la mih ka jingklumar.
Ka COCOMI kala pynrem jur halor ka jingpyndonkam da ki mock bombs bad ki tear gas sha ki paidbah kiba pynlong ia ka jingiakhih ba jai jai khamtam eh haba don ki longkmie bad ki riew rangbah kiba ia shim bynta bad shibun ki longkmie kila mynsaw ha katei ka jingjia.
Ka Committee ka dawa ba dei ban sangeh mardor ia kum kane ka jingleh donbor bad kila dawa ban panmab paidbah ia u Lat ka jylla uba la kren ia ki kyntiew kiba pynsngewsih ia ki paidbah ka Manipur.
Ka COCOMI kala dawa ruh ia u Chief Secretary (CS) bad ia u Director General of Police (DGP), bad ia u Security Advisor ba ki dei ban hiar shuki noh.
