Shillong, Nailar 26 : Ka Kynhun Myntri ka Sorkar Jylla ha ka sngi Balang kala ai jingmynjur ban pynkha ia ka land bank na ka bynta ban pynieng ia ka Ophis ka bor pyniaid district ha Mawkyrwat.
Cabinet has approved the purchase of land in South West Khasi Hills for the creation of a district land bank.
The approved site comprises approximately 15 acres of land at Mawten, located about 6 kilometres from Mawkyrwat district headquarters, at a cost of ₹2.19 crore.
The… pic.twitter.com/Cch1oIVM5v
— Conrad K Sangma (@SangmaConrad) August 26, 2026
U Myntri Rangbah Conrad K Sangma u iathuh ba ka pisa na ka bynta ka land bank la dep ban pynlait sha ki district ba pynkha thymmai ha kine ki 11-12 snem bala leit, hynrei ka Mawkyrwat bad ka Resubelpara kim pat shym la pyndonkam ia ka.
“Ka pisa kala shu sah bad ki la 10 snem mynta. Ha kane ka shisnem bala leit, ngi la mynjur ia ka land bank na ka bynta ka Resubelpara” ong u Conrad hadien ka jingialang ka Kynhun Myntri.
U iathuh ba ia ki kam ba dei ban leh na ka bynta ka Mawkyrwat la leh ha ka kyrdan u Deputy Commissioner lyngba ka Expression of Interest, ka jingleit jurip ia ka jaka bad ka jingaiti ia ka jingtyrwa.
“Artylli ki jingtyrwa la phah sha ngi. Ka Tnad GAD kala bthah ia u DC ban jied ia kawei ka jaka. Halor kane, u DC ula tyrwa ia ka jaka ha Mawten, kaba heh kumba 15 acre, 6 km na ka district headquarter, kaba shongdor T.2.19 klur. Ka pisa kala don bad u DC bad la pynthikna ia kane ka jaka na ka bynta ka Ophis u DC ha Mawkyrwat” ong u Conrad.
