spot_img

Wiang ding ki paid Muslim ia palat 100 tylli ki Iing bad dukan ki paid riewlum ha Chittagong Hill Tract

Date:

Share post:

Guwahati, Nailur 19: Palat 100 tylli ki ïing ki sem bad ki dukan jong ki riewlum kiba dei na ka jaidbynriew Chakma hynne ka sngi ki la shah thang ha Boalkhali, Dighinala Sadar, Khagrachari district, Chittagong Hill Tracts (CHTs) jong ka ri Bangladesh ha ki nongwan buhai shnong be-aiñ kiba dei ki Muslim na ki jaka them. Kane ka jingjia kala jia ha ka por kumba 5 baje janmiet.

La kynnoh ba ki shipai Bangladesh kiba don hajan jong ka Dighinala Cantonment kim shym la tuklar eiei hynrei ki iarap pynban ïa ki nongshong shnong beaiñ ban thang iaki iing bad dukan jong ki riewlum.

“Hadien ka jingkyllem noh ka Sorkar ba ialam daka Sheikh Hasina, ka jingleh be-aiñ ka la pur ha ka Ri. U Chief Advisor u Mohammed Yunus u la ai bor ia ki shipai Bangladesh da ka bor Magisterial ha ka 17 tarik mynta u bnai hynrei kitei ki juh ki shipai Bangladesh ki la kyrshan ia ka jingthang ia ki dukan bad ki iing jong ki Chakma ha Dighinala Sadar. Kumta, ym don Chakma shuh ha ka thain Sadar Dighinala. Ngi dang ap ïa ki jingtip ba bniah halor ki jingmynsaw ne kiwei kiwei ki jingshah thombor” ong u Suhas Chakma, Director jong ka Rights & Risks Analysis Group (RRAG).

Naduh u snem 1979 haduh u snem 1983, u President General Ziaur Rahman u la pynrung kumba 5,00,000 ngut ki nongshong shnong be-aiñ Muslim ha ki jaka rithor ban pynduna ïa ki trai ri trai muluk jong ki CHT sha ka jaitbynriew rit paid ha la ka jong ka khyndew ka shyiap.

Ki nongshong shnong be-aiñ ha ki jaka rithor kila kot palat 50% na ka jingbun briew baroh ha ki CHT.

“Ki samla pule trai ri trai muluk hapoh ka lama “Sanghat O Boishamyo Birodhi Parahari Chhatra Andolan” hynnin ka sngi ki la pynlong ïa ka “March for Identity” ha Khagrachari da kaba dawa ban ithuh ïa ki hok jong ki bad ka jingpynthikna na ka bynta ki jinglong ba kyrpang jong ki. Kumba 40,000 ngut ki riewlum, ki bym pat ju iohi ha ka Histori jong ki trai ri trai muluk, ki la iashim bynta ha katei ka jingiaid paidbah. Ka jingshah thombor mynta ka sngi iaki jaitbynriew Chakma ka dei namar ka jingiaid paidbah” la ong u Suhas.

U Suhas u la ong “Kane ka jingthang ïa ki dukan bad ki ïing jong ki Chakma bad ka jingbym ai jingiada na ka Sorkar Yunus yn sa rah ha khmat ki bor jong ka hok longbriew manbriew jong ka United Nations.”

Share post:

spot_img
spot_img

Popular

More like this
Related

Phaikhmat ka Sorkar ban pyntrei ia ka Chief Minister’s Solar Mission sha ki jaka nongkyndong

Shillong, Naitung 09 : Ka Chief Minister’s Solar Mission,...

Kyntu ka JSM ia u DyCM ban weng noh ia ki jingeh ba mad ka shnong Lapangap

Shillong, Naitung 09: Ka Jaiñtia Students Movement (JSM) Lapangap...

Pan kaiphod ka MHRC na u SP ba kynnoh shah pynshiton be-ain u samla ha Sohra PS

Shillong, Naitung 09 : Ka Meghalaya Human Rights Commission...