Shillong, Nailur 19: Ka Meghalaya High Court ha ka sngi Palei, ka la pan ia ka kaiphod kaba thymmai halor ki jingeh ba mih bad ka jingaiti ia ki jaka ha ki ar tylli ki bynta ka thain Pynursla ban shna ia ka surok Shillong-Dawki. Kala buh por saw taiew ban aiti ia ka kaiphod.
Ha ka hukum, ka Kashari ka la ong ba u Dr N Mozika, DSG uba la wan mih na ka bynta ka National Highways and Infrastructure Development Corporation Limited (NHIDCL), u la pule ïa ki bynta kiba ïadei bad ka affidavit bad u la pyntip ruh ba ki dang don katto katne ki jaka, kiba mih ki jingeh haba iadei bad ka aiti ia ki jaka ha ki ar bynta, ka Pynursla ka dei kawei.
“Namar kata, dei ban ai ia ka kaiphod thymmai jong ka jinglong jingman hapoh saw taiew naduh mynta ka sngi. La khmih lynti ba ka Sorkar Jylla kan pyntip ruh sha ka Ïingbishar lyngba ka affidavit , shaphang ka jingeh bala pynsngew da u nongïasaid aiñ ba mihkhmat na ka bynta ka NHIDCL,” ka la ong.
