Wat hapdeng ka jingkiew na ka jingpang Covid ha Northeast, ym shym la shim ia ki lad jingiada

Date:

Share post:

Guwahati, Naitung 26 : Ka jingdon jong ki briew ki ba iabit ia ka jingpang Covid-19 ka la nangkiew sted bha hapoh ka thain Northeast baroh kawei ha ka ba ki bor sorkar ki ba bun na kine ki jylla kim pat shym la shimkhia ban shim ia ki lad jingiada.

Hadien ka jingkynjah ka ba la neh bun bun taiew mynta la sakhi halor ka jingdon jong ki sawngut ki ba dang shu khlad na kane ka jingpang, kata mar uwei na Assam, Manipur, Nagaland bad Tripura.

Na ka liang ka sorkar Tripura sa shisien pat ka la pynmih ia ka hukum halor ka jingdonkam ban deng ia ki mask bad maham ruh ba kito ki ba ialeh pyrshah kin ngat ha ka jingshah dain kuna ka ba T.200.

Ka sorkar Manipur ka ba ha ka nyngkong ka la pynjlan ia ka shuti lyiur haduh ka 24 tarik mynta u bnai, sa shisien pat ka la pynjlan biang sha ka 7 tarik u Nailar na ka bynta baroh ki skul, kata kynthup naduh ki skul sorkar bad skul shimet.

Ha Assam ka jingdon jong ki briew ki ba ioh positive na kane ka jingpang ka la kiew na ka 7.89 per cent ha ka 1 tarik Naitung sha ka 10.29 percent ha ka 25 tarik mynta u bnai. Watla katta u heh ka National Health Mission (NHM) u la ong ba kane ka jingkiew ha ka jingdon jong ki briew ki ba ioh positive ha kine ki khyndiat taiew ba la lah kam shym la long ka ba pynshong syier.

Da ka jingdon jong ki 5,527 ki active case ba la rejistar haduh hynnin ka sngi Nyngkong, ka Cachar, Kamrup Metro, Dima Hasao, Dibrugarh bad Biswanath district ka Assam ki la sakhi halor ka jingkiew ka ba heh tam hapdeng ki district ka jylla.

Ha Tripura, ka jingdon jong ki ba ioh positive ka la kiew na ka 0.93 per cent ha ka 1 tarik Naitung sha ka 12.16 per cent.Ha baroh ki la don haduh 112 ngut ki briew ki ba la test positive na ka jingpang Covid ha kine ki 24 kynta ba la dep, bad ka ba la kyntiew ia ka jingdon jong baroh ki active case ha ka jylla sha ka 2,366.

Ha Mizoram, ki la don 36 tylli ki Covid case ba la rejistar ha kine ki 24 kynta bala dep ha ka ba ka jingdonjong ki ba ioh positive ka long 57.14 per cent.Kane ka jyllaka la sakhi halor ki 120 tylli ki case ha kane ka sngi U Blei ba la lah.Da ka jingdon jong ki 904 ki active case haduh hynnin ka sngi Nyngkong, ka jingdon jong baroh ki ba la khlad na kane ka jingpang covid ka long 708 ngut.

Ha Manipur, 90 ngut ki briew ki la test positive na une u khniang jingpang ha kine ki 24 kynta ba la dep, ka ba la kyntiew ia ka jingdon jong baroh ki active case ha ka jylla sha ka 640 ngut.

Ka jingdon jong ki briew ki ba iabit ia kane ka jingpang Covid ha kiwei pat ki jylla ka thain northeast ruh ka la nangkiew.

Share post:

spot_img
spot_img

Popular

More like this
Related

Assam : Shah kem palat 800 ngut ba shongkha khynnah, kin nang bun ban ngat, ong u Himanta

Guwahati, Risaw 03 : Ki Pulit ka Assam kila...

Pyniap ka ULFA (I) iala u Nongialam da kaba sdien phasi

Guwahati, Risaw 03: Ka United Liberation Front of Asom...

Kyntu ka Mawlai PS ia ki Rangbah Shnong ban phah phikir iaki trai kali arshaka

Shillong, Risaw 03 : Ka Mawlai Police Station, kala...

Kylla iingjah ka Iew Dohkha ha Saiden wat hadien 3 snem ba dep tei, bijai ei T. 1.44 klur

Shillong, Risaw 02 : Ka jingjied khlem da bishar...