Phah ktien ka Tnad MLP sha baroh ki DGP ka Ri ban thwet ia u Bernard Marak

Date:

Share post:

Shillong , Naitung 26: Ka Tnad Meghalaya Police (MLP) kala phah ia ka “Look Out Notice” sha baroh ki Director General of Police (DGP), ki Commissioner of Police jong ki Jylla ka Ri, ban iarap thwet lem ia u Nongialam bad MDC ka BJP na Tura Bernard N Marak, uba la phetrieh na ka ain halor ka jingkynnoh pyniaid ia ki kam khaii met hapoh ka farmhouse jong u, kaba don ha Edenbari, West Garo Hills.

Kane ka jingphah ktien sha ki Heh Pulit jong ki Jylla ka Ri, kala mih na ka Ophis u Inspector General of Police (CID) ka Jylla, hadien ka jingpynmih u Superintendent of Police ka West Garo Hills Vivekanand Singh Rathore ia ka “Look Out Notice” ba thwet ban ioh kem ia une u Nongialam ka BJP.

Kat kum ka “Look Out Notice” u Superintendent of Police ka WGH ula pyntip ba u Bernard u dei uba la thwet halor ka case bala register hapoh ka Tura Women Police Station hapoh ka kyndon 3/4/5/6/7 jong ka Immoral Trafficking (Prevention) Act 1956.

Une u Heh Pulit ula kyntu ban phah ia kane ka Loot Out Notice sha baroh ki Thanad hapoh ka Ri India ban wad bad lapdien ia une u MDC ka BJP.

Ula pyntip ruh ba ka Iingkashari Chief Judicial Magistrate ka West Garo Hills kala pynmih ia ka hukum ban kem noh ia u Bernard khlem da ai jamin lupa.

Ki Pulit ka West Garo Hills ha ka miet thohdieng kila ioh ban kyndang ia ka kam khaii met ha ka farmhouse jong u Bernard N Marak, kaba lam sha ka jingioh kem ia 73 ngut ki briew bad ioh pyllait ia 5 ngut ki Khynnah ba shah set jubot nalor ka jingioh kurup ia bun bah ki jingdih buaid bad ki condom.

Ki Pulit kila pynlong ia kane ka jingkhynra halor ka ejahar bala mudui da ki bahaiing jong kawei ka Khynnah kaba la kynnoh ba ka shah setjubor ha kane ka farmhouse bad shah leh beijot bunsien tang ha ka shitaiew.

U Inspector General of Police (IGP) ula kyrpad ia ki DGP bad ki CP jong ki Jylla bapher bapher ba kin pynpoi ia ka “Look Out Notice” sha baroh ki thanad ba hap hapoh u pud u sam jong ki, khnang ban lapdien bad tip shano ba u Bernard u don.

La kyrpad ruh ba lada ki don jingtip eiei shaphang jong une u MDC ka BJP ne ka jaka ba u don, ba kin ai jingtip mar mar sha u Superintendent of Police ka West Garo Hills lane sha ka Ophis u IGP(CID) ban ioh leh ia kaba donkam.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...