Imphal, Nailur 22: Wat hapdeng ka jingiaumsnam kaba la neh mynta la shi snem tam, hynrei ki samla pule na Manipur kila wan shakhmat eh ha ka ICAR JRF jongka FGI-CAS 2024.
Ka jylla Manipur kala mad ia ka jingiaumsnam bad ka jingbym shongsuk shongshngain haduh mynta, hynrei ki samla pule na ka jylla Manipur kila wanrah nam bad burom da kaba wan shakhmat eh ha ka JRF exam.
Kane ka khubor jong ka jingjop kala long kum ka jingshngain ia ki nongshong shnong ka Manipur kiba la sakhi iaka jingiaumsnam naduh u snem ba la dep.
Ka FGI College of Agricultural Sciences kala pynkup burom ia kiba la wan sha ka kyrdan kaba hakhmat ha ka ICAR JRF jongka FGI-CAS 2024 ha ka jingialang kaba la long ha Kangpokpi, Manipur.
La seng ia ka FGI College of Agricultural Sciences ha u snem 2019 bad naduh bala seng ia ka, kane ka college kala ai ia ka jingnang jingstad kaba paka bha ia kane ka thain shatei lammihngi baroh kawei.
U Chairman ka FGI College of Agricultural Sciences, Haokholet Kipgen ula ong, “Kadei ka sngi kaba kmen bha ia nga namar naduh bala seng ia kane ka college bad ngi dang khynnah bha. Mynta ka sngi, ngi la pynkup burom ia ki samla pule ki jong ngi kiba la wan ha ka kyrdan kaba hakhmat eh ha ka ICAR JRF of FGI-CAS 2024. Ngi dap da ka jingkmen, ba watla ka don ha ka jaka kaba kyndong bha jong ka ri India bad ki briew ki shim ba ka jylla Manipur kadei kaba la shah ktah na ka jingbym don ka jingsuk jingshngain hynrei ka College ka jong ngi kala lah ban iaid beit iaid ryntih bad kane kadei ka sien kaba nyngkong eh ba ka college shimet kaba la seisoh bha ha ka JRF Exam bad ha kaba iadei bad ki jaidbynriew riewlum, ka college ka jong ngi ka wan haka kyrdan kaba nyngkong ne baar.
“Kane ka long kaei kaei ka bym shym la poi pyrkhat namar ka jinglong jingman hapoh ka jylla Manipur. Kum u Chairman bad u dlhot uba donkti ha kaban seng ia ka College, nga lah mad bun tylli ki jingeh hynrei nga la klet noh ia kitei kiei kiei baroh. Mynta ka sngi kadei ka sngi kaba nga kmen bha namar ka jingjop. Ngi lah dep ban iakren bad ki katto katneki kompani na ka bynta ban pynlong iaka campus interview ha ka college jong ngi. Hynrei namar ba ka jinglong jingman kam pat long kaba shngain bha, kim shym la treh ban wan sha ka jylla Manipur. Ngi kyrmen skhem ba hadien ba ka jinglong jingman kala long kaba biang, yn sa pynlong iaka campus interview” la iathuh u Haokholet Kipgen, uba dei ruh u MLA jongka Saitu AC Constituency.
Kila don palar 200 ngut ki briew kibala shah pyniap bad da ki hajar ngut kiba la duh noh ia ki iing ki sem ki jingki na ka jingmih jong katei ka jingiakynad hapdeng ki Meitei bad ki Kuki-Zo naduh u bnai Jymmang jong u snem bala dep.
