spot_img

Shah kem 15 ngut kynthup 3 ngut ki longkmie ba buh ia u Bomb IED

Date:

Share post:

Guwahati, Nailur 22: Ki pulit ryngkat bad kiwei pat ki bor treikam, kila ioh ban kem ia 15 ngut ki briew kiba la donkti ha kaban buh ia u IED Bomb ha kylleng ki bynta jong ka jylla Assam ha ka jingrakhe ia ka sngi laitluid ka ri ne ka Independence Day mynta u snem.

Kitei ki 15 ngut kila shah kem ha ka sngi saitjain ki kynthup lang ia ki 3 ngut ki longkmie kiba la suba jur ba kila leit buh ia ki kynja tiar pynbthei kiba iasyriem bad u IED Bomb ha kylleng ki bynta jong ka jylla Assam.

Ia katei ka jingkhynra la pynlong da ki pulit ka Assam ha ryngkat ka jingkyrshan bad jingiarap jong ka National Investigation Agency (NIA).

La pynlong ia kitei ki jingkhynra hadien ba ki pulit kila ioh ia ki jingtip kiba bniah ha ryngkat ka jingiatreilang bad ka NIA bad ka jingioh ia ki jingtip ki bapher bapher.

“Ngi la ioh tih ia ki jingtip bad ia ki jingshisha baroh, hadien ba ngi la dep ban tohkit malu mala ia kitei kiba la shah kem bad ngin dang ioh shuh shuh ia ki jingtip shaphang katei ka kam iasylla hadien ba ngi la pyndep ia ka jingtohkit kaba bniah ha kine ki sngi ban wan” la pynpaw ka kyrwoh na ki pulit.

Kitei kiba la shah kem mynta ki dang don hapdeng ka jingtohkit kaba bniah khnang ba ki pulit kin dang lah shuh shuh ban lapksai ia ki kam iasylla ki jong ki.

Ha ka 15 tarik u Nailar 2024, ki pulit ka Assam kila pynlong ia ka jingwad ia ki tiar pynbthei ha kylleng ki jaka jong ka jylla ha ka sngi rakhe ia ka Independence Day bad kila ioh kurup ia ki tiar kiba la suba jur ba kidei ki tiar pynbthei ha ki katto katne ki jaka kynthup ha ka nongbah Guwahati.

Ka kynhun kieng atiar ULFA-I kala buh ia kine ki tiar pynbthei ha kylleng ki jaka bad kala phah ruh da ka kyrwoh khubor sha ki lad pathai khubor ha kaba kala kam ba kala buh ia ki bomb IED ha ki katto katne ki jaka.

Share post:

spot_img
spot_img

Popular

More like this
Related

Shah kem 3 ngut kiba donkti bad ki kynhun kieng atiar ha Manipur

Imphal, Naitung 08: Ki pulit ka Jylla Manipur ha...

Iakhun ka Nagaland ia ka jingshlei um, shah ktah 844 ngut ki paidbah

Dimapur, Naitung 8: Kumba lai tylli ki Relief Camp...

Pynbna ka MBA ban pynlong ia ka State Sub Jr Basketball Championship

Shillong, Naitung 08: Ka Meghalaya Basketball Association (MBA), ka...

Shimkhia ka Sorkar ban lah pyndep noh ia ka jingmaramot ia ka surok NH-06 ha EJH

Shillong, Naitung 08: U Myntri Sorkar bad MLA ka...