Shillong, Nailar 28 : U Nongialam ka Liang Pyrshah Mukul Sangma ha ka sngi Thohdieng ula ong ba ka Sorkar Jylla kala dei ban wanrah iala ka jong ka resolution halor ka kam FCRA ban lah pynpaw ia ka jingsngew ki paidbah ka Meghalaya bad ka thain Shatei Lam Mihngi.
U Mukul ula ong ba ka FCRA ka dang iai long ka jingeh kaba khraw bha kaba iatakhuh ka Meghalaya, Nagaland, Mizoram bad kiwei ki Jylla ka thain Shatei Lam Mihngi.
Haba pynpaw ba ka Liang Pyrshah kala wanrah ia ka resolution halor kane ka mat, u ong ba kan iahap bha lada ka Liang Synshar kan wanrah ia ka resolution na Sorkar hadien ka jingiakren.
“Ka Lieng Pyrshah kala wanrah ia ka resolution, hynrei kan kham bha shibun ia ka Sorkar ba kan wanrah da ka resolution ka Sorkar. Kila dei ban pynjlan ia ka por bad ngin jin da la ioh ia ka lad ban mynjur ia ka resolution” ula ong.
U ong ba ka Sorkar kala dei ban shah ban iakren halor ka resolution bala wanrad da ka Liang Pyrshah bad hadien sa wanrah pat da la ka jong.
U Mukul ula ong ba un sa kyrpad ia ka Sorkar ba kan wanrah ia ka resolution halor ka FRCA ha ka sien shong dorbar ba wan khnang ynlah shimkha bha ia ki jingsngewkhia ki padbah.
