Shillong, Naitung 13: Ka Election Commission ka Ri India (ECI) hynne ka miet, kala pynpoi ia ki tiar elekshon bad ki Ballot Box ha Jylla, ban pyndonkam ha ka elekshon jied President ba thymmai jong ka Ri ka ban long ha ka 18 tarik Naitung.
Kine ki ballot box bad tiar elekshon kila wan poi ha ka 13 tarik Naitung ha LBGI Airport Guwahati bad ha kane hi ka sngi, la leit shim da ka Ophis u Chief Electoral Officer (CEO) ka Jylla bad la buh ia kine ki tiar ha ka strong room jong ka Iingdorbar Thaw Ain ka Jylla, Shillong.
U Chief Electoral Officer Bah FR Kharkongor, ula aiti ia u shabi jong kane ka strong room ha u ARO jong ka Meghalaya Assembly Secretariat ba un khmih haduh ka sngi ba pynlong ia ka elekshon.
