Shah ujor FIR ki nongpyniaid jong ka Meghalaya Rising Star

Date:

Share post:

Tura, Naitung 14: Kawei nongrwai na Tura, ka Nasa Rianchi Ch Marak ha ka sngi Balang ka la ujor da ka FIR ha Sadar Police Station, Shillong pyrshah ia ki bor pyniaid jong ka “Ha Rynsan Meghalaya Rising Star”, ka BC Entertainment da kaba kynnoh ba ki bor pyniaid ki la thok ia ka result bad pynhiar ia ka haduh ka kyrdan ba lai.

Ka la kynnoh ruh ba ki bor pyniaid ki la leh buit tuh da kaba knieh noh ia ka hok ba ka dei ban ioh. Nalorkata, ka ong ruh ba ki bor pyniaid ki la thok bad phah die ruh ia ka ia ki kynja slip ne coupon da kaba ong ba yn niew ruh ia ki kum ki vote.

Shuh shuh la kynnoh ruh ba ki bor pyniaid ki la pan por ruh da kaba ong ba kin sa bishar biang ia kitei ki jingud jong ka tangba kam shym la poi shaei shaei ruh. Ha katei ka FIR ka la kynnoh ruh ba ki bor pyniaid ki la pyrshang ban pynmyllen khnang ban pynmyllen ia ka ban ym ujor da ka FIR.

Katei ka samla ka la ong ruh ba ka la shim bynta ha ki san kylla ki jingiakhun bad ka la shah jied ruh ban iakhun ha ka final kaba la pynlong ha nongbah Shillong haka 11tarik mynta ubnai. Ka la ong ruh ba iwei na ki nongbishar i la pyntip ba ka don ka jingleh thok ha ka rukom khein bad dei na kata ka daw ka la pan ia katei ka scoresheet.

Ka la ong ruh ba ka la dep ban ioh ar tylli ki scoresheet na ki nongbishar hynrei ia ka jingkhein kaba lai pat kam pat shym la ioh. La kam ruh ba na ki scoresheet jong kitei ki arngut ka lapaw ba ka tam lut ban ia kiwei kynthup wat ia kaba wan ba ar.

Katei ka samla ka la kam ruh ba la kam ruh ba ka la dep die ia kitei ki slip (coupons) haduh 60,000 tyngka kiba la kular ban long kum ki vote na bynta ka result ha ka final. Shuh shuh ka la kdew ruh ha ka FIR ba ka la shah thok bad kane ka la ktah ia ka bor pyrkhat jong ka bad kumta ka kynnoh ba ki bor pyniaid ki la shukor da kaba leh ia ki kam kiba knieh ia ka hok ba ka dei ban ioh. Ha ka FIR ka la jer kyrteng ruh ia uwei u Cornet Lyngdoh na ka bynta kitei ki jingjia baroh.

Halor kane ka jingjia, kawei ruh ka samla ba tip kyrteng kum ka Andriana Kharsyiemiong na Shillong ka la buh lang kajuh ka jingujor bad ujor da ka FIR ha Sardar Police Station, Shillong.

Share post:

spot_img

Popular

More like this
Related

Iasoi MoU ka Sorkar ban seng ia ka Green Skill Academy ki samla ha Shillong

Shillong, Rymphang 28 : Ka Sorkar Meghalaya hynne ka...

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...