Shillong, Jymmang 27 : Uwei u nongtrei kam bhalang Flaming B Marak ha ka sngi Ba-ar, ula buh ia ka jingujor pyrshah ia uwei u nongleh Facebook ba ai kyrteng Salgro Salagram namar ka jingbyrngem ia u bad ki bahaiing da ka kuna pyniap.
Ha ka jingujor bala aiti sha ka Director General of Police (DGP), u Marak ula ong ba ka daw ha lyndet kane ka jingshah byrngem ka dei namar ba ula thep ia kawei ka khubor jong kawei ka kot khubor pharang halor ka jingkem ia arngut ki briew ba kyrshan ia ka Pakistan lyngba ka jingthoh ha FB.
Une u rangbah ula kyntu ia ki Pulit ba kin tohkit bad leh eiei kat kum ka ain pyrshah ia une u Salgro Salaram.
