Shillong, Jymmang 27 : Ka Jaintia Students’ Union (JSU) kan pynlong ia ka jingiashong kyllain mungor ba shisngi ha Lad College, Jowai lashai ka sngi Balang ban pynpaw ia ka jingpyrshah halor ka jingiakynduh jingeh ki samla pule ban ioh rung klas ha ri-lum Jaintia.
“Ka jingiashong kyllain mungor kan sdang naduh ka por 11 baje mynstep ban pynbor ia ka Sorkar Jylla ba kan leh eiei noh mardor bad ban pynthikna ba baroh ki samla pule kynthup kito kiba wan na ki longiing ba duna ka jingioh, ba kin ioh rung klas” ong ka JSU ha ka kyrwoh hynne ka sngi Ba-ar.
Ka JSU kala dep dawa ia ka Sorkar Jylla ba kan plie noh ia ka klas miet ha Kiang Nangbah Government College (Higher Secondary section) bad ka klas step hapoh ka Govertment Boys’ Higher Secondary School, ban weng noh ia ka jingeh ha ka jingbym ioh rung klas ki samla pule.
 kan pynlong ia ka jingiashong kyllain mungor ba shisngi ha Lad College, Jowai lashai ka sngi Balang ban pynpaw ia ka jingpyrshah halor ka jingiakynduh jingeh ki samla pule ban ioh rung klas ha ri-lum Jaintia){kind=link}