Shillong, Jymmang 27: Ka Synjuk ki Khlieh Nongsynshar Shnong Mawsynram Block, kala khot pynlong da ka jingialang paidbah ha ka 29 tarik Jymmang ban pan ia ka jingiatreilang u paidbah ha kaban dawa kyntiew kyrdan noh ia ka Mawsynram Block sha ka Civil Sub Division.
Ia kane ka jingialang paidbah la buh ban pynlong ha Iew Mawsynram ha ka por 11 baje mynstep.
Ka Synjuk ka wer ia ki Rangbah Shnong, ki riew rangbah, ki kynhun sengbhalang bapher bapher kiba don ha ka dong ka thain bad kumjuh ruh ia ki paid nongshongshnong ka Mawsynram Block, ba kin iawan paidbah sha kane ka jingialang.
La pyntip ba ha kane ka jingialang, yn iadonlang ruh u MLA bad u MDC nalor ki nongkitkam shnong. Ia kane la pyntip da u Bah Kyrmen Shangdiar, General Secretary ka Synjuk ki Khlieh Nongsynshar Shnong, Mawsynram C&RD Block.
