Shillong, Jymmang 13: Ka Meghalaya ka la pyni biang iaka jinglong ba tbit tam naki kynhun ba don haka Group A jong ka lympung U-20 Men’s National Football Championship 2026, da ka jing lah ban pynliem ia ka Andhra Pradesh da 8-1 kol haka jingïalehkai kaba la long ha Narainpur, Chhattisgarh.
Hashuwa kane, ka Meghalaya ka la pynliem ia ka Bihar ha ka 9 tarik Jymmang da 3-1 goal, bad iaka Jharkhand ha ka 11 tarik Naitung.
Mynta ka sngi 3 ngut ki rangialehkai ka Meghalaya kila ioh thep mar 2 goal, kata u Alex Manar (9’, 45’), u Mebanlamlynti Masharing (16’, 28’) bad u Ryan G Kharnaior (48’, 50’) katba 2 ngut ki ioh thep mar 1 goal, kata u Phermanbha Lyngdoh (58’) bad u Sholinstar Syngkli (84’).
Naka liang ka Andhra Pradesh, u B Bharath Kumar Reddy ula ioh thep goal haka minit ba 25.
Ka jingïalehkai ba khatduh jong ka Meghalaya kan long pyrshah ïa ka Rajasthan ha ka 17 tarik Jymmang.
