Shillong, Jymmang 13 : Ka Khasi Students’ Union (KSU) RIST-USTM Unit, kala dawa ia u Chancellor ka University of Science Technology Meghalaya (USTM) ba un tuklar ha kaban shimkhia ia ka jingkhuid jingsuba hapoh ka University bad khamtam eh ka khuid ka suba ka jingbam bala ai sha ki samla pule kiba sah ha ki hostel.
Ka KSU kala aiti ruh da ka dorkhas bad iakren markhmat bad Chancellor bad pynsngew ia ka jinglap halor ka jingjaboh ka bam bala ai man ka por hapoh ka Hostel B.
Ka Seng kala dawa ia u Chancellor ba un shimkhia mardor ia kine ki mat khnang ban pynthikna ia ka koit ka khiah bad ka jingshngain jong ki samla pule.
Ka Seng kala leit ruh ban jurip ia ki dukan kiba don hapoh bad shabar jong ka University, ban peit bniah ia ka jingkhuid jingsuba bad kiwei ki bynta kiba ktah ia ka bha ka miat bad ka koit ka khiah jong ki samla pule.
Kala iakren ruh ia ki trai dukan ba kin shimkhia bha ia ka jingkhuid ym tang ha ka bam ka dih hynrei wat ha ka sawdong sawkun jongn ki.
 RIST-USTM Unit, kala dawa ia u Chancellor ka University of Science Technology Meghalaya (USTM) ba un tuklar ha kaban shimkhia ia ka jingkhuid jingsuba hapoh ka University bad khamtam eh ka khuid ka suba ka jingbam bala ai sha ki samla pule kiba sah ha ki hostel.){kind=link}