Agartala, Nailur 23: Palat 400 ngut ki ehrang ka National Liberation Front of Tripura (NLFT) bad ka All Tripura Tiger Force (ATTF) shen kin sa wan ban pyndep wait ban aiti ia ki tiar siat ha ka jingialang ban long shen ha ka jylla.
Ki ehrang ka NLFT bad ATTF ki la iasoi ia ka soskular iasuk bad ka sorkar pdeg bad ka sorkar Tripura ha Delhi ha ka 4 tarik Nailur ha ka jingiadon lang u Myntri kam poh iing ka sorkar pdeng u Amit Shah, u Myntri Rangbah ka jylla Tripura u Manik Saha, kiwei kiwei ki nongialam sain pyrthei bad ki ophisar ka tnad kam poh iing (MHA) . ) bad ka sorkar Tripura.
Uwei u heh sorkar ka Tripura u la ïathuh ba palat 400 ngut ki ehrang NLFT bad ATTF kin wan pyndem noh ia ki tiar ialeh ha kawei ka ktem jong ki shipai Tripura State Rifles (TSR) ha Jampuijala, kaba don ha Sepahijala district jong ka thaiñ sepngi ka Tripura.
“Katkum ka jingiateh, ki nongialam jong ka NLFT bad ATTF ki la mynjur ban iehnoh ia ka lynti jong ka jingkieng atiar, ban aiti lut ia ki tiar ialeh bad ki kuli jong ki, bad ban pynduh noh ia ki seng jong ki,” ong uwei u heh sorkar.
Uwei pa uwei u ehrang NLFT bad ATTF uba wan pyndem wait un ioh T.6,000 shibnai na ka bynta lai snem bad ia kine ki ehrang yn ailad bad jingiaap ba kin ioh kam ;la ka dei ha ka rep ka riang, ka ri dohkha bad kiwei kiwei.
 bad ka All Tripura Tiger Force (ATTF) shen kin sa wan ban pyndep wait ban aiti ia ki tiar siat ha ka jingialang ban long shen ha ka jylla.){kind=link}