-->

Kurup ka ANTF ia u heroin ba shongdor T.75 lak na Lumsurvey

Date:

Share post:

Shillong,Naiwieng 18 : Ka kynhun Anti-Narcotics Task Force (ANTF) ka Jylla kala ioh ba kurup haduh 130.61 gram u heroin ha ka jingkhynra bala pynlong ha ki lai jaka ha Lum Survey hynnin ka sngi Ba-ar, kaba lam sha ka jingiohkem ia laingut ki briew kiba donkti ha kane ka kam.

Haba shimkhia ia ki jingtip ba don ki nongkhaii droks ha ka thain, ka ANTF kala phah ia lai kynhun ban pynlong ia ka jingkhynra ha kajuh ka por ha ki lai tylli ki jaka, bad kine ki kynhun kila ioh ban kurup haduh 9 tylli ki synduk sabon ba don u heroin bad 128 tylli ki vials.

Advertisement

Ka jingkurup kaba heh duh kala wan na ka iing u Jahiruddin, ha kaba la ioh ban kurup haduh 9 tylli ki synduk sabon kiba don u heroin ba 110.34 gram.

Na ka iingsah ka Jamela Khatun, la ioh kurup ia 63 tylli ki vials ba don u heroin kumba 10.10 gram, katba 65 tylli ki vials ba don u droks 10.17 gram la ioh ban kurup na ka iingsah ka Moriom Katun.

Ka ANTF kala register ia ka ejahar pyrshah ia kine ki laingut ha Contonment Beat House.

Kane ka dei ka jingkhynra kaba arsien bala pynlong ha Lumsurvey tang ha kine ki artaiew.

Shuwa kane, ha ka 7 tarik Naiwieng, halor ki khubor bala ioh ia ka jingdon u nongkhaii droks Alim Uddin ha ka thain, ka kynhun ANTF kala pynlong ia ka jingkhynra ia ka kamra ba u sah ha Lumsurvey bad ha kane ka jingkhynra, ka kynhun kala ioh kurup ia 2 tylli ki synduk sabon kiba don u droks ba 27 gram.

Ka kynhun kala kem noh ia u Alim Uddin bad ia ka kurim ka Ishatun Nesa bad la register ia ka ejahar pyrshah ia ki.

“Na kine ki artylli ki jingkhynra bala pynlong ha ka 7 tarik bad 17 tarik, haduh 157.61 gram u heroin uba shongdor kumba T.75 lak, lah ioh ban kurup bad ki briew kiba la kem ki long 5 ngut” ong u Superintendent of Police ka ANTF Vikash Kumar ha ka kyrwoh.

U iathuh ba ka jingtohkit kala iaid shakhmat mynta ban lapdien ia ka tyllong, ka lynti khaii bad kiwei kiwei ki bynta kiba don jingiadei bad kane ka kam.

Share post:

-->
spot_img

Popular

More like this
Related

KHBBA marches in Shillong, refuses to vacate Iew Mawlong stand, warns of stir

SHILLONG, NOV 18: Refusing to vacate its stand at...

Dap smam ki booking ia ki hotel ha Shillong haduh u Nohprah | Iarap khring lang ka Cherry Blossom

Shillong Naiwieng 18: Ka Cherry Blossom kala long ka...

Mynta yn Iaid paidbah ki nongniah bos ba pyrshah ban pynkynriah jaka ieng

Shillong, Naiwieng 18: Ki driver bos hapoh ka shatri...