Guwahati, Nailar 4: Ka jingiakynad ha ka sain hima sima mynta kala sdang paw hadien ba la mih ki khubor ba ki pulit ka Delhi kila kynnoh ba ka ktien Bengali ka dei ka “ktien ki nong Bangladesh.”
Kane kala wan hadien ba ka Myntri Rangbah ka jylla West Bengal Mamata Banerjeeb kala kynthoh jur ia kane ka jingkren ki Pulit Delhi. U hehduh ka Tipra Motha Party uba dei ruh u khun syiem u Pradyot Kishore Manikya Debbarma u la pynpaw ka jingsngew khia kaba jur bha, bad u la maham ruh ba kum kine ki jait jingkren ka lah ban pynsngew pyrshah bad kaba lah ruh ban pynsniew dur ia ka ri India.
Ha ia kren bad ka X (ia kaba la tip mynshwa kum ka Twitter), u Debbarma u la ong, “Ka jingkdew ne pyniahap ia ka ktien Bengali kum ka ‘ktien Bangladesh’ da ki pulit ka Delhi kadei ka jingsngewkhia kaba khraw bha. Mynta kadei ka ktien Bengali, lashai ka lah ban dei sa ia kiwei pat ki ktien.Kam ju don kaba kum kata ban khot ktien Bangladesh.Kumno ngi lah ban klet ba wat ha ka national anthem ka kyntien ‘Jana Gana Mana’ kadei ka kyntien Bengali ia kaba la thoh bad pynwandur da u Tagore? Kum kine ki jait kan plie lad ia ki jingmut jing pyrkhat ba shyrkhei jong ki briew kum u Yunus uba la pynjah burom ia ka ri.”
Haba pynpaw ia ka jingpyrshah jur ia ka jingpynjari ia ka ktien ka thylliej, u la ong, “Hooid, Nga ieng skhem ban pyrshah ia kane ka jingpynajri ia ka ktien ka thylliej jong kano kano ka jait ktien ha kano kano ka jaitbynriew.Hynrei kum u nong India, ngi dei ban bat bad burom ia baroh ki jait ktien, la ka long ia ka ktien Kokborok, Bengali, Tamil, Assamese, Mizo, Bodo, Hindi, lane wat ia ka ktien English.”
Ka Mamata Banerjee, kaba la wanrah nyngkong ia kane ka mat ha ka X, “kala pynrem jur ia kane ka jingkynnoh kum ka jingkren bein bad ka jingpynjah burom bad kaba long ruh kaba pyrshah ia ka ri.” Kala thoh “Ka ktien Bengali, kadei ka ktien jong ngi bad kaba dei ruh ka ktien jong u Rabindranath Tagore bad u Swami Vivekananda, ka ktien kaba don hapoh ka National Anthem bad ka National Song ia kaba la thoh, hynrei mynta la shah khot kum ka ktien Bangladeshi! Kane kadei ka jingpynjah burom ia baroh ki briew kiba kren ka ktien Bengali hapoh ka ri India. Ngi kyrpad ia ka jingpyrshah jur kaba khlain bha pyrshah ia kane kaba long anti-Bengali.”
Ia kane ka kyntien kala mih hadien ba ka Trinamool Congress (TMC) kala buh ia ka shithi ha ka X jong ka, da kaba kam ba ki pulit ophisar ka Delhi kila wad ia ki nong pynkylla na ka bynta ka ktien “National Bangladeshi” hadien ka jingshah kem phra ngut ki briew kiba la suba ba kila rung beain sha India.
Kiba kyrshah ia ka Banerjee, u myntri rangbah ka Tamil Nadu u MK Stalin u la thoh ha ka X, da kaba ong ba kane ka jingkynnoh ka long “beit beit ka dei ka jingniew bein ia ka ktien ia kaba la thoh ne thaw hapoh ka National Anthem.”
