Shillong, Nailar 04: U Myntri ka tnat pule puthi Rakkam A Sangma u la ai jingiaroh bad ai khublei ia u samla M Langstang uba pule Class XII ha North Liberty Higher Secondary School ha Jowai, uba la pass iaka eksamin Joint Entrance Examination (JEE) 2025 bad ioh admission ruh ha ka Indian Institute of Technology (IIT) Madras.
Haba kren sha ki lad pathai khubor u Rakkam ula pynpaw ïa ka jingsngew sarong ïa ka jinglah jong utei u samla pule bad u la pynpaw ba ka dei ka jingpynshisha ïa ka jingtreilang jong ki kmie ki kpa, ki nonghikai, bad ka Sorkar.
U Rakkam ula kdew ruh ba ha u snem ba la dep, u Jonathan Sangma na Tura u la pyndep ia ka JEE da ka kyrdan kaba heh tam hapoh ka ri, ha kaba u la ioh admission sha IIT Bombay.
U Myntri ula pynshong nongrim ïa kane ka jingjop ha ka rai jong ka Sorkar ban pyntreikam da ki kot pule NCERT, kaba la wanrah ïa ka jingkiew ha ki eksamin jong ka ri kum ka National Eligibility cum Entrance Test (NEET) bad ka JEE.
“La iathuh ia nga da ki nonghikai ba ka rai jong ka Sorkar ban pyndonkam daki kot pule NCERT ka long shisha kaba jop. Kumta bun ki samla ki la lah ban iakhun haki eksamin bapher bapher kum ka NEET bad JEE. Kane ka dei kaba ngi sngewkmen ba mynta ka sngi ki khynnah skul jong ngi ki leh kham bha ha ki kyrdan eksamin bapher bapher,” u la pynpaw.
Haba kylli, u myntri u la pyntip ba ka jingthmu jong ka Sorkar ban buh shuh shuh ia ki jaka ai jinghikai pyntbit naka bynta ki samla kjab kwah iakhun iaki eksamin bapher bapher.
“Ngi donkam shuh shuh. Kane kam pat biang. Hooid, thikna ha ki por ban wan, ka Sorkar ka dang trei ban buh shuh shuh ki Centre ki ban long kyrpang ban ai jinghikai ïa ki samla jong ngi,” u la pynpaw.
 2025 bad ioh admission ruh ha ka Indian Institute of Technology (IIT) Madras.){kind=link}