Shillong, K’lyngkot 13 : U Deputy Inspector General (Eastern Range) V Rathore, ula pyntip ba ka Tnad Pulit kala shim khia halor ka video ba ishyrkhei bala saphriang ha ki rynsan social media bapher bapher, ba pyni ba uwei u briew (Homeguard Volunteer) ula kren tohmet bad dawa pisa na ki nongwan shangkai sha Jylla.
“Une u briew um ikop satia ba u dei u dkhot ka Tnad Meghalaya Police. Watla katta, ngim sngewtynnad ia kum kane ka jingleh bad ngin leh da kaba tyngeh kat kum ki kam bymman bad ka jingpynshitom da ka Tnad” ula ong haba kynthoh ha ka social media.
U DIG ula pyntip ba lah bthah ia u Superintendent of Police (SP) ka East Khasi Hills, ban pynlong ia ka jingtohkit bad ban aiti ia ka kaiphod ha kane hi ka janmiet.
Haba pynshong nongrim ia ka jingtohkit, ki bor khmih kin sa pynbud da ki sienjam ba tyngeh ban pynngat kam bymman bad pynshitom da ka tnad pyrshah ia une u briew ba donkti.
Une u Heh Pulit ula pynpaw ruh ia ka jingpan map bad jingsngewsih kaba khraw halor kane ka jingjia, haba pynpaw ba kum kine ki jingleh ki dei ki bym lah ban pdiang bad yn sa leh ia kaba donkam.
 V Rathore, ula pyntip ba ka Tnad Pulit kala shim khia halor ka video ba ishyrkhei bala saphriang ha ki rynsan social media bapher bapher, ba pyni ba uwei u briew (Homeguard Volunteer) ula kren tohmet bad dawa pisa na ki nongwan shangkai sha Jylla.){kind=link}