Shillong Jylliew 06: Ka Sorkar Jylla hynne ka sngi Ba-ar kala shim ia ka rai ban thung iaka Search Committee, ka ban wad ia ki riewshemphang ki ban don ha ka Expert Committee kaban shong bishar iaka Reservation Policy ka jylla.
Kane ka rai kala mih na ka jingialang jong ka Kynhun Myntri kaba la iatai halor ka phang ban thung ia ki Dkhot jong ka Expert Committee kiban shong bishar thymmai ia ka jingtreikam ka State Reservation Policy ka Jylla.
As per the notification to put in place an Expert Committee for the Review of the Reservation Policy, the Government has decided to establish a three member Search Committee comprising of the Chief Secretary and one member each from the Law Department & Personnel Department to… pic.twitter.com/kb71nbrWwH
— Conrad K Sangma (@SangmaConrad) June 6, 2023
“Ka kynhun Myntri kala ai jingmynjur iaka Search Committee bad yn khlieh ia ka da u Chief Secretary ka jylla ryngkat bad ar ngut ki heh ophisar na ka tnad Law bad Personel” pyntip u Myntri Rangbah ka Jylla Conrad K Sangma haba iakren bad ki lad pathai khubor hadien ka jingialang.
U Myntri Rangbah u pyntip ruh ba ka Sorkar Jylla kan sa pynmih noh ruh ia ka Office Memorandum (OM) ba thymmai ha ba iadei bad ka jingpyntreikam ia ka Reservation Roster.
“Shisien bala pynmih ia kane ka OM, yn sa pyniaid noh shakhmat ia ka jingthungkam thungjam hapoh ka Jylla” ong u Conrad.
