Shillong, Nohprah 26 : Ka All India Congress Committee (AICC) hynnin ka sngi nyngkong, kala thung ia u MP, Benny Behnam kum u senior observer (nongpeit pyrman) na ka bynta ka elekshon MLA-2023 ha Jylla Meghalaya.
Ka AICC kala thung ruh ia u MP barim JD Seelam kum u Election Observer hapoh ka Jylla.
Nalor kine, kala thung ruh ia u MP Francsco Sardinha bad MP Dr K Jayakular kum ki senior Observer bad Observer ka Nagaland bad Arvinder Singh Lovely bad Abdul Khaleque MP na ka bynta ka Tripura, kiban leit sha ka elekshon jied nongmihkhmat ha u 2023.
