Shillong, Rymphang 23: Ka Myntri kam rep Kong Ampareen Lyngdoh ha ka sngi Thohdieng kala pyntip ba ka Sorkar Jylla ka don jingthmu ban pynkylla ia palat 1 lak hectare ka jaka ban rep ia ki marrep ba khlem ai dawai (organic) hapoh ka Meghalaya State Organic Mission 2024-2028.
Haba jubab hapoh Iingdorbar, ka kong Ampareen kala ong “Ka Meghalaya State Organic Mission 2024-28 ka dei kaba la thaw bad pyllait ha ka 15 tarik Rymphang 2024, da ka thong ban pynkylla palat 1 lak hectare ka jaka kum ka jaka rep ia ki marrep ba khlem ai dawai hapoh ka National Programme for Organic Production (NPOP).
Ka pyntip ba hynriew ngut ki service provider la ithuh ban pynkloi ia ka jingai syrnod bad pyntreikam ia ka mission.
Ka pyntip ruh ba la dep ban thaw ia ka Organic Society bala ai kyrteng ka Meghalaya Natural and Organic Society for Livelihood and Innovation in Agriculture (MEGNOLIA) ka ban pyntreikam ia ki prokram rep marrep khlem ai dawai hapoh ka Jylla.
Ka Sorkar Jylla ha u snem bala lah, kala wanrah ia ka Meghalaya State Organic and Natural Farming Policy 2023.
 hapoh ka Meghalaya State Organic Mission 2024-2028.){kind=link}