Shillong, Rymphang 23 : Ki Pulit ka Ri-Bhoi, kila lap ba dei tang namar ka kyiad, kaba pynlong ia ki arngut ki runar ban pyniap ia u khynnah 10 snem ha Umtangar, Ri-Bhoi District.
Kine ki runar ki kyrteng u Pynshailang Warjri 32 snem bad u Banshngain Tynsong 28 snem, kiba dei hi na ka shnong Umtangar.
Une u Khynnah ua la jah rngai nala iing naduh ka 17 tarik Rymphang bad ia ka met jong u, la lap ha ka sngi kaba bud na ka kper jong uwei u nongshongshnong ba kyrteng u Bah Command Nongrang.
Ha ka jingtohkit ki Pulit, kine ki arngut ki runar kila phla ba une u Khynnah ula wan sah miet ha ka sem jong uwei na kine ki arngut ha ka miet 17 tarik Rymphang.
Ki phla ba ha ka step 18 tarik, une u Khynnah ula pyrshang ban rah ia u bitor kyiad jong uwei na kine ki runar bad ha ka jingbitar, kine ki arngut kila beh thong ia u bad kila pyniap da kaba set mynsiem da kawei ka pla.
Ki Pulit ki iathuh ba hadien kane, kine ki arngut kila leit buhrieh ia ka metiap ha kawei ka jaka bad ap haduh ka por mynmiet hashuwa ba kin pynkynriah ia ka met sha ka kper u Bah Command.
Ka jingtohkit mynta ka dang iaid shaid shaid ia kine ki arngut.
