Tura, Risaw 26 : Ka ‘Eriong Sitrang kaba la syllad ia ka Ri Bangladesh, hynnin ka miet sngi ba-ar kala syllad ia kiba bun ki jaka jong ka Ri-lum Garo bad pynjulor ia kiba bun ki jingthung jingtep bad don ruh ki iing ki sem.
Ka Sor Tura kaba kongsan eh ha Ri-lum Garo, kala shah ktah jur na ka jinglynshop jong kane ka eriong nalor kiwei ki jaka ba kynthup ia ka Darengre, Dalu bad ki jaka them kiba don ha khappud bad ka Bangladesh.
Ki jingthung jingtep kynthup naduh ki diengkwai bad kiwei kiwei, kila khyllem lut na ka jingsyllad kane ka eriong bad ki don ruh ki iing kiba la shah rong noh ki tnum iing.
Kat kum ka khubor bala ioh lum, la iathuh ba don ruh uwei u briew ha South Garo Hills ula shah lympat ha ka bording elektrik hapoh ka thain.
