Nongstoin, Nailar 26 : Kawei ka kali jong u Pulit ka Assam, kala ingkhong khait ha ka jingpluh ding bala suba shah thang ha ka thain Langpih-ka jaka kaba don ka jingiakajia pud hapdeng ka Assam bad Meghalaya ha West Khasi Hills District.
Kat kum ka khubor Pulit, la suba jur ba kane ka kali kala pluh hynne ka step phyrngap por 4 baje eiei. Ia kane ka jingjia la pyntip sah ki Pulit ka Langpih BOP da u Rangbah Shnong ka Mawsikar.
Kane ka kali ba don u nombor AS-01-DH-7347 ka dei jong uwei u Pulit ka Assam uba shakri ha Mawsikar, Assam Camp. Ki Pulit kila kylli jingkylli ruh ia u Rangbah Shnong, Secretary bad ki nongshongshnong halor kane ka jingjia.
Kane ka dei ka dei kaba pynieng harud surok hajan ka shnong Mawsikar, kaba jngai tang katto katne meter na ka Assam Police Camp.
Ki Pulit ki pyntip ba ia ka daw tynrai bad ki jingjia ba lam sha kane ka jingpluh ym pat shym la lah satia ban pynthikna ia mynta.
Ia ka jingtohkit la pynlong ha kane ka jaka hynrei ym shym la lap satia ia kino kino ki kynja tiar kiba lah ban ai ksai ia ka daw jong ka jingpluh ne ban suba ba ka shah thang.
Ki Pulit ka Jylla ki pyntip ruh ba na ka liang ki Pulit ka Assam kila pynlong ia ka jingtohkit halor kane ka jingpluh kali.
Ki pyntip ruh ba ka jinglong jingman ka la long kaba jai jai bad ka jingpeitthuh ka dang iaid shakhmat.
