Shillong, Nailur 04: Kawei ka samla Garo, la suba jur ba ka la dkhat jubor iala ka jong ka jingim da kaba sdien phasi hala ka jong ka Iingsah wai ha Nongbah Delhi.
Kane ka samla ka kyrteng ka Hamera Momin ba 26 snem kaba dei na ka shnong Sakware, North Garo Hills District.
U Deputy Commissioner ka North Garo Hills RP Marak ula pynthikna ba ula ioh ia ka khubor na New Delhi halor ka jing dkhat jubor kane ka samla iala ka jingim.
Ia kane ka samla la lap halor u tyllai phasi ha ka iingsahwai kaba hap hapoh ka Mehrauli Police Station, New Delhi.
Ki Pulit ka New Delhi kila pyntip ia kane ka jingjia sha ki Pulit ka Jylla Meghalaya. La ong ba ki Pulit ka Delhi kila hap ban kyndang jubor ia ka jingkhang ban rung shapoh Iing.
Kat kum ka khubor, kane ka samla kala dep shong kurim bad kala don khun ruh hynrei kala leit sah marwei sha New Delhi ha kine ki khyndiat snem bala leit noh.
